មន្រ្តី៣រូបរបស់ក្លឹបបាល់ទាត់ភ្នំពេញក្រោន នឹងទៅសិក្សាវគ្គ​ A-License

November 14, 2018 - 11:11 AM | អត្ថបទដោយ៖ ណាវឌ្ឍន៍

ក្លឹបបាល់ទាត់ភ្នំពេញក្រោនបានបញ្ជូនមន្ត្រី៣រូបឲ្យទៅសិក្សាវគ្គ A-License ​ដែល​នឹង​ចាប់​ផ្តើម​​រៀន​ពីរ​ដំណាក់​កាល​គឺ​ដំណាក់​កាល​ទី​១​ពី​ថ្ងៃ​ទី​​១៨​ ដល់​ថ្ងៃទី៣០​ ខែ​វិច្ឆិកា ឆ្នាំ​២០១៨​ និង​ដំណាក់​កាល​ទី​២​ពី​ថ្ងៃ​ទី​១៥​ ដល់​ថ្ងៃទី២៧ ខែ​មីនា ឆ្នាំ​២០១៩ នៅសាលាបាល់ទាត់ជាតិបាទី ។ សម្រាប់មន្ត្រីទាំង៣រូបដែលនឹងចូលរៀនក្នុងវគ្គនេះរួមមាន៖ លោក ស៊ុំ វណ្ណា ជាជំនួយការគ្រូបង្វឹកក្រុមឈុតធំ កញ្ញាឈឿន និផា ជាគ្រូយុវជនថ្នាលរបស់ និងគ្រូបង្វឹកក្រុមនារីថ្មីគឺ ម៉ៅ សាវិន​ ។

ចំណែកឯជាអ្នកចាត់ការទូទៅក្លឹប លោក លី ហៀង ក៏មានឈ្មោះក្នុងបញ្ជីរបស់សហព័ន្ធ​បាល់ទាត់​កម្ពុជាក្នុងការចូលទៅសិក្សានៅវគ្គ A-License នេះដែរ ប៉ុន្តែដោយសារតែលោកមានភារកិច្ចដែលត្រូវបំពេញនៅក្រៅប្រទេស ដូច្នេះយើងកំពុងតែសម្រួលលើបញ្ហានេះ ។

អ្វីដែលគួរឲ្យបាប់អារម្មណ៍ជាងនេះទៅទៀតនោះគឺនេះជាលើទីមួយហើយរបស់កម្ពុជាដែលមានស្ត្រីខ្មែរពីររូបមកសិក្សាវគ្គ A-License គឺកញ្ញាឈឿន និផា និងអ្នកគ្រូ ម៉ៅ សាវិន ។ ក្លឹបបាល់ទាត់ភ្នំពេញក្រោនសូមជូនពរឲ្យអ្នកទាំងបីរូបទទួលបានជោគជ័យក្នុងការសិក្សានាពេលខាងមុខ!

 

 

មតិយោបល់


អត្ថបទផ្សេងៗ